ONDAY
Qaraqalpaqsha
r. 1. Onınday, sonınday.
Eger de sizler onday estelikti ornatsańız, babalarıńız sizlerge ırza boladı (A.Bekimbetov).
— Qoyshı, onday sózdi aytsań bar ǵoy, uyat boladı (Ó.Ayjanov).
Men armiyaǵa ketetuǵın jılı bul awılda onday qız joq edi (Ó.Xojaniyazov).
— Onda onday bolatuǵın bolsa, — dedi Jálel maqsım, — sol el azamatları ushın ózlerimiz ǵana kurban balamız (Á.Paxratdinov).
Onday tártip, onday el uzaq jasamaydı! depti birewler (M.Seytniyazov).
— Tart qolıńdı! — dep ondayda: Begmurat bawırsaqqa qol sozǵan xayaldıń bileziklerin uslap aladı da awzına kelgenin aytadı (M.Nızanov).
2. Onnan, sonday, sonnan, oǵan usaǵan.
Kim tabansız tayǵaq bolsa, Ondaylardan qol územen (D.Nazbergenov).
Ondaylarǵa berip malı-múlkimdi, Janıńa jolamay qashsam dep turman (T.Mátmuratov).
3. Aytarlıqtay, onsha.
Men onday jaman niyetli adam emespen! (M.Nızanov) 0 Onday-mınday — zat-usaq-túsek, ol-pul, hár túrli zatlar.
Egerde birnemeli bolatuǵın bolsań, onday-mınday zatlardı satıp suwıstırıp, aldı menen kiyim-kensheklerin tayarlaw kerek, balam, — dedi ákem burınǵıdan ábden jumsarıp (Ó.Xojaniyazov).