OYLÍ
Qaraqalpaqsha
kel. 1. Aqıldı, dana, bilgish.
Sapar Tóreshtiń kelbetine oylı kóz janarın qadap: — Uaqıtsha kóńil kóterip júrejaqsań ba, ya úyleneseń be? — dedi (K.Sultanov).
Qonaq mına orındı, mándi juwaptan qızdıń oylı, aqıldı ekenin ańǵardı (Q.Dosanov).
2. Oyı, shuqırı bar, oyǵa, shuqırǵa ie.
0 Oylı-bálent — tegis emes, ádir-budır.
Eger sezimtaldıq tábiyatıńnan tuma bolmasa jay kóz benen uzaq mánzillerdiń oylı-bálentin qalay ayırasań? — der edi (K.Kárimov).
Oylı-shuqır — oylı-bálent, tegis emes.
Asfalt tozǵan oylı-shuqır jollarıń (G.Dáuletova).