KÓSHPELI
Qaraqalpaqsha
kel. 1. Bir orınnan ekinshi bir orınǵa kóship-qonıp júretuǵın, tirishilik etetuǵın otırıqshı emes el, xalıq, millet, qawım.
Bular kóshpeli xalıq, kóship úyrengen, Bizler jawgershimiz, jawlap úyrengen, Aylan, dúnie, aylan, sharqı pálektey!.., (I.YUsupov).
Kóshpeli turmıs penen birge otırıqshı turmısqa kerekli nárseniń barlıǵı menen aylanıstı (S.Baxadırova).
2. Jıljımalı, ózgermeli.
0 Kóshpeli qopa — suvdıń ústindegi qopalıqlardıń bir orınnan ekinshi orınǵa jılıswı, qozǵalıwı, ózgerwi, ıǵıwı.
Qayıq penen áste ıǵıp kiyatırsak kóshpeli qopalar da bizlerge qarsı ıǵıp kiyatır eken (A.Begimov).
Aldan qaraǵanda Araldıń shet-shebinde qamıs, urıqpar túbiri menen shoq-shoq bolıp ıǵıp júre beretuǵın bir kóshpeli qopaday bolıp kórindi (Á.SHamuratov).
Kóshpeli sharwa — bir orınnan ekinshi orınǵa kóship júretuǵın sharwalar.
Qaraqalpaqlar kóshpeli sharwashılıq xojalıǵı menen shuǵıllandı (N.Dáuqaraev).
Kóshpeli dúken — ár orınǵa barıp sawda isleytuǵın dúken.
Qalaǵa kópten berli kóshpeli kitap dúken kelgen joq edi (M.Nızanov).