KÓSHER
Qaraqalpaqsha
at. Arbanıń yaki transporttıń eki dóńgeleginiń ortasına suǵılıp, onı kóterip turatuǵın aǵash yaki temir.
Qara úydiń qaptalında arbanıń kósherin maylap otırǵan Qosıbay aspanǵa jalt-jalt qarap ... (K.Sultanov).
Mamanǵa patshalıqtan ústi teri menen jabılǵan, kerek emes jaǵdayda jıynap qoya beretuǵın, tórt dógelekshili, temir kósherli, sulıw kúyme inam etildi (T.Qayıpbergenov).
♦ Baxıt kósheri — jaqsı turmıs, baxıtlı zaman.
Tanımaysań Bozatawdı keshegi, Aylansa dep ediń baxıt kósheri (K.Sultanov).
Tariyx kósheri — baxıtlı zaman, dáwir, zaman.
Hesh kúsh toqtata almas tariyx kósherin, Topılsa tabanda tabar ájelin (K.Sultanov).