KÓTERGISH II
Qaraqalpaqsha
kel. Ne bolsa da kótere beretuǵın tózimli, shıdamlı, kóngish.
0 Tuw kótergish — tuwdı alıp júriwshi adam, kisi.
Tórediń sózin esitip, Tuw tikledi qırq jigit, Molla qoraz degendi, Tuw kótergish qıldı (Berdaq).
Bala kótergish — balanı jiyi-jiyi tuwatuǵın hayal.
Gúlsánem úy jumısına ıqlaslı, miynet súygish te, bala kótergish te kelinshek bolıp jetildi (Ó.Ayjanov).
Kir kótergish — kir bolǵanı bilinbeytuǵın material.
Perdegúl kir kótergish gezlemeden ózine kóylek tigiwdi ádet etken hayallardıń biri edi (Ó.Xojaniyazov)