KÓSILIW
Qaraqalpaqsha
f. 1. Ayaǵın sozıp otırıw.
Kele jattı janıwar, Tórt ayaǵın kósilip («Qırq qız»).
2. Jerdiń yamasa basqa bir nárseniń uzınnan-uzaq orındı alıp sozılıp (iyelep) jatıwı.
Bul kósilip jatırǵan jerde, kópirip otlaytuǵın baydıń shóli emes (K.Sultanov).
Ashıq aspannıń ash tolqını esirip, SHalqar teńiz keń dalada kósilip, ... (I.YUsupov).
0 Kósilip jatıw — a) uzınınan túsip jatıw.
Allam xorda jatır xalqım kósilip, Soyuwǵa mal tappay turmın qısılıp (A.Dabılov).
b) keń dalalıq jer — keń kósilip jatqan dala SHamurattıń bul sózin qaytaladı (Q.Dosanov).
Kósile jatqan jer pútin, Ketedi eken kórkeyip (B.Qayıpnazarov).
v) badırayıp kóriniw.
At izleri dárya qayırında kósilip jattı (T.Qayıpbergenov).
g) Kósilip jazıw — erkin, keńinen jazıw.
Házir biz mıltıqqa jaylanǵanbız, Asıqpay kósilip jazıwǵa jol joq (I.YUsupov)