KÓMIK
Qaraqalpaqsha
at. 1. Jer astındaǵı baylıq, kán, qımbat zat.
Izleymen kún boyı bir kómik qazıp, Terim jawırnıma shıqqanǵa deyin (I.YUsupov).
2. Jasırın saklawlı dán, azıq-awqat, kómbe, mal-múlk, jemis taǵı basqa da zatlardı qoyatuǵın ura, orın, sol qoyılatuǵın zattıń ózi.
Moldanıń kewli biraq ta, Ayırım baska tilekte.
Tórt kómik penen jáne de, Ǵálle salǵan telekte (A.Dabılov).
3. awıs. Adamlardaǵı bolatuǵın sır, oy, pikir.
Jalpı baǵdardıń joǵına az da bolsa jańalıq engizip, kóp sırlardıń kómigin kórsetti (A.Bekimbetov).
4. awıs. Jasırın jerlengen óliktiń denesi.
Kómilgen kómikti bildirmes ushın, ústine hár túrli shóplerdi tasladı (qq.x.e.).