KÚYEW
Qaraqalpaqsha
at. 1. Qayaldıń, qatınnıń bayı, eri, qostarı, jubayı, juptısı.
Ózi kúyewi menen zindanda qala beredi (qq.x.e.).
Turmıs qurdım, bir ul, bir qızımız bar, Kúyewim sazende, ájayıp adam ...(I.YUsupov).
2. Turmısqa shıǵıp ketken qızdıń bayı, eri, qostarı, jubayı.
Qızındı bergen kúyewdiń, Gewdesi qalıp bas keldi («Qoblan»).
3. Erjetken qızdı ayttırıp keletuǵın úylenbegen jas jigit.
Apamnan bular kim dep sorasam, saǵan kelgen kúyewler sıbırlaydı (T.Qayıpbergenov).
Bolajaq kúyewdiń atı-jónin bile almadı (Q.Aralbaev).
Kiyatırman sapar tartıp alıstan, Kúyew bolıp ishiw ushın duzındı («Qırq qız»).
0 Kúyew bala — turmısqa shıǵıp ketken qızdıń eri, qostarı, jubayı.
Qızdıń tórkin jaǵına hám qız ayttırıp kelgen jigit kúyew bala bolıp esaplanadı.
Házir onı kórip «kúyew bala usı ma eken» dep oyladı (T.Qayıpbergenov).
Kúyewge shıǵıw — turmıska, bayǵa, erge ketiw, uzatılıp ketiw.
— Kúyewge shıqqan menen házir tul ǵoy! (J.Aymurzaev).
— Jaqsı kóredi, átteń, kúyewge shıǵıp qoydı (J.Aymurzaev).
Kúsh kúyew — hayaldıń eriniń onıń úyinde, awılında jasawına baylanıslı aytıladı.
Ish dese yaq dew qolaysız, kúsh kúyew atımız bar.
Bularda biraq, kúsh kúyewlik ayıp emes kusaydı (M.Nızanov).