KIYIW
Qaraqalpaqsha
f. 1. Adamdardıń úst kiyimlerdi ústine jamılıwı, suǵınıwı, búrkeniwi.
Ayaǵıma kiygenlerim sawırdı, Sawır kiyǵen ayaqlarım awırdı (qq.x.q.).
At beline minedi, Iynine sawıt kiyedi («Alpamıs»).
YA ol jewge awqat bolmasa, kiyiwge kiyim bolmasa, onıń bizge nege keregi bar edi? (A.Bekimbetov).
2. awıs. Qulpırıw, dóniw, dolanıw, gúlleniw.
«Oq jetpes» bir taw eken ózi biyik, Kórinis berip, jasıldan sarpay kiyip (A.Dabılov).
Kórkeyip dım ózgerilgen, Qanday sulıw xasıl kiygen.
0 Kiyip ketiw — a) bir kiyimdi jamılıp ketiw.
Sol jıńǵılǵa shekem gewishti kiyip ketti, ... (J.Aymurzaev).
b) bas salıw, japırıw, kúsh bermew, erk bermew.
Qoylar da atızdıń ishin kiyip ketti, ... (B.Kerbabaev).