KEŃSIREK
Qaraqalpaqsha
at. Murın súyegi astındaǵı kuwıs, murınnıń jokarǵı bólegi oń hám sol jaq keńsirek súyeklerinen quralıp tómengi bólegi shemirshek boladı.
Aqshagúl kóziniń jası balalarına tamıp ketiwden qorqıp, keńsireginiń ústine oramalın tutıp turıp dáslep Esendi, soń Quwattı súydi (M.Nızanov).
0 Keńsiregin jarıw - ashshı iyis shıǵarıw.
Úyge tolǵan qara tútin keńsiregimdi jarǵanday ashıtıp jiberdi (Q.Irmanov).
Keńsiregin buzıw — urıw.