KERIW
Qaraqalpaqsha
f. Bir nárseni tartıw, sozıw, jazıw.
Sonlıqgan, degdini kerip, suwda onı tik uslap júriw qıyın boladı (A.Bekimbetov).
Qarshıǵa menen lashın, Kerip jayar qulashın («Alpamıs»).
Hár qıyaldı oyladı, Júni ósik bir qarıs, Bes aq eshki soyadı.
Kerip-sozıp terisin, túrli reńge boyadı ... («Qırq qız»).
0 Qasın keriw — qasın jazıw.
Aǵam qoyıw qasların kerip, boyın tiklep sóylemekshi bolıp tamaǵın qırındı (T.Qayıpbergenov).
Adımın keriw — adımın, ayaǵın qattı ashıp júriw.
Sol sózlerdi bir aytıp, Aylanıp suwpı qashadı, Adımın kerip basadı («Máspatsha»).
Tartıp maydannıń tanabın, qızıl kumda janıwar, Tasladı kerip ayaǵın, Barıp erte qaytıwǵa, Qarıw kúshin saladı («Qırq qız»).
Tósin keriw — kókirek aldın jazıw, keriliw.
Erksizden eńiretip, Arshın tósin keremen («Qırq qız»).
Qulash keriw — qulashın jazıw.
Kulash kerip kólbep jatqan jer, Qulpı dóngen kókler menen malındı (J.Aymurzaev).
Kókirek keriw — tósin jazıw, shalqayıw.
Sáwle boyın tiklep kekli kisidey kókiregin kerip sóyledi (S.Xojaniyazov).