KARTA
Qaraqalpaqsha
at. 1. Jer betiniń onıń jeke bólekleriniń kishireytilip qaǵaz betinde kórsetiliwi.
Sırtqı qapıdan kire bergen awızǵa qızıllı-jasıllı úlken karta diywalda ilinip tur (N.Dáwqaraev).
Kapitan tereń oyǵa ketip, názerin diywaldaǵı jer sharınıń kartasına tigip turdı (A.Bekimbetov).
2. Egis jeriniń bir tutas bólegi.
Jańa jerlerdi kóplep ózlestirsek, paxta egisiniń kartaları úlken hám bári bir jerde bolıwı da múmkin (T.Nájimov).
3. Qattı atlastan yamasa jay qaǵazdan tórt múyeshli islengen oyın kartası (oynawǵa arnalǵan túrli-túrli qattı qaǵaz).
Jigitler jumbaq aytıstı, karta oynadı ma, áytewir kóp waqıtqa shekem áńgimelesip otırdı (G.Esemuratova).
4. Belgili bir maǵlıwmatlardı jazıwǵa arnalǵan dáptershe, blank.
Sanatoriyalıq karta.
Doktorlarǵa «tosınnan bolǵan hádiyse» dep karta toltırǵızlıq (M.Nızanov).
5. kárit.
gón.s. Eń ańsat jol búgin usılı jádit, qabıl eteseń, jaydıń aldına kárit (S.Májitov).