IYT
Qaraqalpaqsha
at. Jırtqıshlar toparınan esaplanatın úy haywanı.
Anda-sanda shabalanıp úrgen iytlerdiń sesti keledi (Ó.Xojaniyazov).
Biysáwbet kiyatırǵan kisini jatırqaǵanday dáwseben iytler shabalanıp úrip aldınan shıqtı (K.Sultanov).
Abılqayır menen Ǵayıp xan súyegimizdi iytke taslatadı (T.Qayıpbergenov).
Kózin ashar-ashpastan sút berip saqlaǵan bir gúrji iytim bar edi (M.Nızanov).
0 Iyt jegi — awırıwdıń bir túri.
Qırq birinshi jıl edi, Watan ústin qapladı bult, Kún batıstan qanlar shashıp, Uwlar shashtı iyt jegi qurt (J.Aymurzaev).
Iyt jırtqanday — júdá tınıshsızlanıw, qapa bolıw, qıynalıw.
Bunı kórgende, Nurımbettiń ishi iyt jırtqanday boldı (Ó.Ayjanov).
Iyt janlı — ólermen, sharshamaytın, boldırmaytın, harımaytın adam.
Iyt tiyiw — din. Birewdiń kózi ótiw, awırıw.