ZAMAN I
Qaraqalpaqsha
at. Dáwir, máhál.
Osı kúnlerdegi abadan zaman úshin bizler de qan tóktik (K.Sultanov).
0 Zaman zardabı — belgili dáwirdegi awır awqat, jaǵday.
Aqır meniń soldırmaǵay júzimdi, Zaman zardabınan kórmeydi kózim (Berdaq).
Bir zamanlarda — bir waqıtta, dáwirde, jaǵdayda.
Jumagúldiń kúyewi bir zamanlarda ataǵı álemge jayılǵan paxtakesh ǵarrıǵa shákirt bolıp, kóptiń kózine túsken edi (Ó.Ayjanov).