ZAWLAW
Qaraqalpaqsha
f. 1. Zımıraw, zıtıw, tez.
Zawlap ótti bir Áshir, Altınbaydıń úyinen («Qırq qız»).
Úydiń ishi jıynalıp tıńdaydı, men zawlatıp oqıyman (Á.SHamuratov).
Talay aylar, jıllar elespesiz zawlap ótti (S.Saliev).
2. Lawlap janıw, alısıw, laplaw.
Zawlap janǵan ottıń jarıǵı há demey ján-jaqqa tústi (A.Áliev).
3. Toqtamastan, irkilmesten, izli-izinen aǵıw.
Tura almadı qız ornınan, Qan aqtı zawlap murnınan (Berdaq).