JALMAWÍZ
Qaraqalpaqsha
at. 1. mif.
Erteklerde ushırasatuǵın adam balasına karsı dushpan, kúsh, tájjal.
Pamir tawlarınıń birewinde jeti baslı jalmawız bolıptı mıs, aldına dus kelgenniń hámmesin jalmap jutadı eken (kk.x.e.).
Aldı menen seni jalmawız, qaqbas kempir demey me? (J.Aymurzaev).
2. Meshkey, ashkóz, toyımsız, Awqatqa toymaytuǵın házirgi zamannıń jalmawızı dep qurdasları Turımbetti dálkek qılatuǵın edi.
3. awıs. Zalım, dushpan, qanxor, qan isher, jawız.
Qara júrek jalmawız, Ańlıp turıp oq attı (Á.SHamuratov).
4. awıs. Xalıqdástúri boyınsha óz perzentleri ólgennen keyin kara bas bolıp qalǵan kóp jasaǵan kempir-ǵarrılar.
Jalmawız kempir — mif.
eski erteklerde adam balasına qaskúnemlik qılatuǵın jádigóy ǵarrı hayal, qatın.
Kózi máshtey, shandırı tastay, keseli qozǵan, otırǵanda eki dizesi kulaǵınan zárre ozgan, mańlayı qara jalmawız kempir edi («Alpamıs»).