JABÍW II
Qaraqalpaqsha
f. 1. Bekitiw, qawsırıw, jawıw.
Esikti jabıw.
Qazannıń qaqpaǵın jabıw.
2. Kórsetpew, jasırıw.
Uyalǵanınan betin jabıw.
3. Bir nárse kiygizip sıylaw, sarpaylaw.
Sarpay jabıw.
4. Barlıq kúshti bir jerge toplaw, jámlew.
5. Bir nárseniń aldına gedirgi jasaw, irkiw, bógew.
Krandı jabıw.
6. Bir nárseniń háreketin toqtatıw, isin, jumısın irkiw.
Jıynalıstı jabıw.
7. Qızǵan tandırdıń ishki betine nan, shórek jabıstırıw.
Tandırǵa shórek jabıw.
8. Jala jabıw hám adamǵa gúna taǵıw.
0 Birewdiń abırayın jabıw — kemshiliklerin, qáteliklerin, jetispewshiliklerin jasırıw.
Awızdı jabıw — sóz qospaw, sóylemew, indemew.
Qılmısın jabıw — islegen jınayattıń izin bildirmew.
Ayıbın jabıw — kemshiligin búrkew.
Birewdiń abırayın jabıw — birewdin kishigirim kemshiliklerin, qáteligin, jetispewshiliklerin kópshilikke járiya etpew.