ERIW I
Qaraqalpaqsha
f. Jibiw, balqıw, bosaw.
Qar erip, qızıl suw sarlap aqtı (K.Sultanov).
SHınnan jolbarıs berildi, Jolbarıstıń denesi, Qorǵasın yańlı eridi («Máspatsha»).
0 Júregi eriw, bawırı eriw, ókpe eriw - jibisiw, bosasıw, juwasıw, balqıw.
Sen jılasań meniń kewlim buzılar, Bawırım erip ash júregim sozılar (Q.Irmanov).
Biraq, ókpem ketki erip, Jazda aljasın jawǵan qarday (I.YUsupov).
...júregi erip, kewili bosasıp, kóz jasın sel etip jerge tókti,... (A.Bekimbetov).
Egitilip eriw — kewili buzılıw, bosasıw, jibisiw.
Nawqas qızdıń anası egitilip erigen sayın, qol xaqını molıraq alıw ushın, boyın bánelep otırǵan kempir, ılaqshı esitken soń... (K.Sultanov).