ER I
Qaraqalpaqsha
at. Attıń yamasa eshektiń jawırınına salınatuǵın aǵashtan, temirden ielengen kural-saymannıń (er-turmannıń) bir túri.
Bedewlerge bekkem etip saldıń er, Minip shıqtıń omırawdan aqgı ter («Qırq qız»).
... erdi arqalap jayawlap bir ay jol júrdi (qq.x.e.).
0 Er-toqım — kólikke tiyisli bolǵan úskenelerdiń barlıq nárseleri, jıyıntıǵı.
Er-toqımın arqaladı etip bánt, Eshki mingenge ayttı kóp nálet (Q.Irmanov).
0 Aqbaslı er — erdiń basın pildiń súyegi menen qaplanǵan yamasa qalpaqlı mıs penen qalayı shegeden qaǵılǵan er.... quyma záńǵi, aqbaslı er, ǵubbalı quyısqan menen ǵubbalı siynement say etti,... (Q.Ayımbetov).
Er-turman — kólikke tiyisli bolǵan barlıq úskenelerdiń jıynaǵı.
... er-turmanlardıń hámmesin ish kerige kirgizip qoydıq (Q.Ayımbetov).
Er-júwen — kólikke tiyisli bolǵan úskeneler.
... er-júwenlerin taqlap, óz aldına ayırıp qoydı da, uyqıǵa kiristi (K.Sultanov).