EJELEW
Qaraqalpaqsha
f. 1. Sózdi tallap, xáripke, buwınǵa bólip oqıw.
Úsh-tórt aydan beri bir kitaptı ejeleymiz de júremiz (K.Sultanov).
2. Tákirarlaw, qaytalaw, mıjıw, eziw.
— Sóylep júrgen joq pa? — dep Sayıp taǵı ejelep soradı (T.Qayıpbergenov).
Múshirip Qosıbaydıń bul ejelegen tóreligin jaqtırmay, qarsı daw ayttı (K.Sultanov).
0 Ejesinen shıǵıw — xáriplep, buwınlap oqıwdan shıǵıw, tamamlaw, tawısıw, pitiw.
«Áptúyektiń» ejesinen shıǵıp, súresine túse almay, Tilegenniń júykesi qurıdı (Q.Ayımbetov).
Ejesine túsiw — buwınlap, xáriplep oqıwǵa túsiw.
Ol bergenin bes-altı kúnnin ishinde yadlap alıp, aradan jeti-segiz kún ótken soń onıń ejesine tústi (A.Begimov).