DÓGEREK
Qaraqalpaqsha
at. 1. Ǵúzetiwshi, sóylewshi yamasa basqa shaxs, nársege salıstırmalı ámme tárep, aylana, tum-tus, ján-jaq.
Dógerekke názer taslaw.
Bálent tawǵa shıǵadı, Dógerekke kózler salıp qaradı («Bozuǵlan»).
2. Bir nárseniń gir átirapı, aylanası.
Dógeregiń shalqar suw, Ishiwge suw tappaysań (qq.x.j.).
3. awıs. Qanday da bir shaxs, topar, kúsh t.b.
birlestirushi ortalıq, átirap.
Fotoǵa názer salsam tóbelep, Jasa máńgi! Dóretiwshi dógerek! (J.Máńges).
4. Áti-rapında bolǵan, átirapındaǵı.
Qaysı jerde bolmasın emlewxana, Qır dógerek qorǵansha dárixana (A.Ibadullaev).
5. Átirapında, shamalasında... Onıń jası eliw jas dógereginde.
6. Qońsı-qobalar.
Dógerektegiler kúliwi menen jigitti kabina ústinen súyrep túsirdi («Ámiwdárya» j.).