DOMALAQ
Qaraqalpaqsha
kel. 1. SHar formasına uqsas, jumalaq, jumırı, dóńgelek.
Domalaq ǵarbız.
Ertektegi qanat pitken tulparday, Jer domalaq, aylanıp shıq arqayın (Aqsholpan Amaniyaz).
2. Jumalaqlanǵan nárse.
Domalaq úyde ot janar, Ot izinen nan shıǵar (qq.x.j.).
3. Semiz, tompaq, tolıq, tompıyǵan, kómpek.
Domalaq adam.
0 Domalaq arza — izine qol qoyılmay yamasa atı-jóni kórsetilmey jazılǵan arza.
Bul «domalaq arza» jazsa qorqıńlar, (Dóxmetinen kópler urılıp ketti) (I.YUsupov).
Jer domalaq — qaytar dúnya, aylanıp, aldıńa keledi mánisinde.
Jerdiń domalaq ekenligin taǵı bir márte qamsıǵıp turıp esine aldı, kelininiń jábirin ózine berilgen jaza bildi (Q.Begniyazova).