DARÍW
Qaraqalpaqsha
f. 1. Qanday da bir jerge kádem basıw, jaqınlaw, jolaw.
Birdi yarım qonıp ket, Táwir kórseń shıraǵım, Apańnıń káwli jay bolsın, Birdi yarım darıp ket («Alpamıs»).
2. Kóriniw.
Baxtıma bir arıw qız darıp, Demde ǵayıp bolǵanı ıras... (T.Uzaqbergenov).
3. Japırılıp keliw, basıw.
4. awıs. Tásir qılıw, sıyqırlaw, tarqalıw.
Alla názer salıp elim gúldegey, Darıp kelgey miyrimlikti jańa jıl (J.Aneteev).
Qıdır darıw — Sen Qıdır darıǵan bir qutlı mákan, Jaynap-jasna, áziz Qaraqalpaqstan! (B.Ismetullaev).
5. awıs. Teń keliw, bas keliw.
Neshe mıńǵa darıw.