GÚRES
Qaraqalpaqsha
at. 1. Eki adamnıń birin-biri jıǵıw maqsetindegi ayqas.
Jıǵılǵan gúreske toymas (qq.x.n.m.).
Erteń azanda ılaq oyın, gúres, at shabıs degenler bar (A.Begimov).
2. Qanday da bir eziwshi klassqa yamasa siyasiy aǵımǵa qarsı aparılıp atırǵan ilajlar.
Imperializmge hám kapitalizmge qarsı gúres.
Ernazar alakóz — tariyxta Maman biy, Aydos biy islerin dawam ettiriwshi, óz xalqınıń ǵárezsizligi ushın gúres alıp barǵan batır («QJ» g.).
3. filos.
Bir nárseni orınlawǵa, bejeriwge, qıyınshılıkdardı jeniwge at salıw, umtılıw hám de kóp túrli qarama-karsılıkdardıń arasındaǵı talas, tartıs, bir-birin jeńiw jolındaǵı islenip atırǵan háreket.
Jańalıq penen eskilik óz ara kelise almaydı, olar bir-birine karsı gúreste boladı.