GÚMAN
Qaraqalpaqsha
at. Bir nárseniń xaqıyqatlıǵına isenbewshilik, birewge iseniminiń joqlıǵı, oǵan gúdik penen qarawshılıq.
Qapa bolma, oyǵa keltirme gúman (Á.SHamuratov).
Úsh jamanlıq, úmmetlerim qutılmas onnan; Qızǵanshaqlıq, hiylekerlik hám gúman (K.Raxmanov).
Gúman iymannan ayıradı (qq.x.n.m.).
0 Gúman etiw — Isenbew, inanbaw.
— Alsań al, kim gúman eter deyseń, — dedi (K.Raxmanov).
Gúman etpew — Iseniw, sezbew.
— Aynalayın sállem sennen, Hesh kim gúman etpes mennen (qq.x.n.m.).
Gúman tuwdırıw (keltiriw) — isenimsizlik payda etiw, qáwiplendiriw, gúman qoyıw, tek qoyıw.
Háreketleri kem-kem gúman tuwdırıp, izinen jetti: — Áy, SHońqı, berman ayda! (T.Qayıpbergenov).