GÚL
Qaraqalpaqsha
at. 1. Sulıwlıq hám gózzallıqtıń belgisi bolǵan adamnıń kewlin kóteretuǵın, ósimliklerdiń kóbeyiwine juwap beretuǵın, kishkene jasıl japıraqtıń ortasında dóńgelene ashılǵan hár qıylı rendegi sulıw, xosh iyisli ósimlik.
Gúl xám juwsan iyisi aǵıp turmasa, Ol jerde men karakalpaq bolmayman (I.YUsupov).
Kushaqashıp turmıs keliń miymanım, Qolda jeti túrli gúlim miymanım (A.Dabılov).
2. Gezlemege yamasa hár qıylı zatlarǵa basılǵan hár túrli gúlli naǵıslar.
Sulıwlarda bolar ǵayrı káramat, Gúlli kóyleginen jelpip aromat... (I.YUsupov).
Kiygeniń kók kóylek gúlli darayı, Elimniń aynası-júzi shırayı (D.Aytjanova).
0 Gúl naǵıs — Gúldiń súwretin torlap tigip yamasa basıp ieletken naǵıs.
Gúldáste — Kishkene bir buwat hár túrli gúller.
Sarı ǵúlden saylap, gúldáste terdim... (A.Turdımuratova).
Gúlopat bolıw — Sınıw, buzılıw, pıt-shıt bolıw.
0 Gúl ómir — SHadlıq turmıs, jaynaǵan ómir.
Bizler súrgen gúl ómir, Bayaǵınıń jalǵası (T.Jumamuratov).
Gúl júzli — Gúlge megzee, gúl sıyaqlı, shıraylı.
Sen onda jas ediń náwshe gúl ediń, Gúl emes gúl júzli bir peri ediń (T.Qabulov).
Gúldey jaynaw — Sulıwlanıp, quwanıp, qulpırıp, ózin basqasha tutıp júriw.
Ǵayrı-naǵıs sezim enip tuyǵıma, Gúldey jaynap júrer edim sen barda (G.Nurlepesova).