GALEREYA
Qaraqalpaqsha
at. 1. Áywan, bastırma, imaratlarda qaptal diywallarının biri ornına baǵanalar (stolb) ornatılǵan ústi jabıq ensiz uzın bastırmadı kurılma.
Bul ásirler dawamında jetilisip, hár bir óner adamı óz jańalıkdarı menen bayıtıp, púgin bir naǵıslar galereyasın búgingi áwladqa miyras etip qaldırǵan («EQ» g.).
2. Qaptal diywallardıń biri aynalı etip qurılǵan uzın zal.
3. Orta ásirlerde saray hám úylerdiń súwret hám músinler menen bezelgen dálizi; Maqbaranıń oń tárepinde, jer astında galereya qurılıp atır («EQ» g.).
4. Teatrdagı, tsirktegi joqarıńdaǵı yarus (orınlıqları).
5. Bir neshshe kórkem ónerge tiyisli nárseler jaylasqan arnawlı imarat, muzeylerdiń atı.
Tretyakov galereyası, Ózbekstan «Istikdol» galereyası.
Usı jıl dawamında iske túsiriliwi jobalastırılǵan sistemanıń ekinshi basqıshında sırtqı virtwal-galereya muzeylerdiń katalogları jaylasqan saytı jaratıw jobalastırılǵan («EQ» g.).
6. Suyıqlıqtıń tegis parallel aǵısı.
7. inf.
Foto hám súwretlerdi tabıw hám redaktorlaw ushın, taǵı da olardı internetke jalǵanbay turǵan xalatta da baskarıw.
8. Óndiris yamasa áskeriy taǵı basqa maqsetler ushın xızmet etetuǵın uzın jer astı jolı.