BÁYGI
Qaraqalpaqsha
at. 1. Jarıs, at jarısı.
Ol tek usı attı báygige shawıp birinshi bayraqtı alıwına ǵana qızıǵatuǵın edi (J.Aymurzaev).
Wa, darıyqa, bul dúnyada qızıq joq, Ǵáriplerde ázizlik bar, buzıq joq, Báygiden ótseń belli sızıq joq, Alaman, balaman boldı, yaranlar (Kúnxoja).
Seniń isiń alǵa ketti, Qatarıń báygiden ótti (Omar).
at. 1. Sıy, sawǵa, bayraq, sarpay.
Jeti jılǵa at jiberip Moynaǵım, Qutlı bolsın báygi alǵan bayraǵıń (K.Sultanov).
Jarıstan báygi alǵan júyrik bolsań, Suwdan shıǵıp, aytısayıq, bolsań sheshen (Ájiniyaz).
2. Jarıs, sınaq.
Bilim báygisiniń nátiyjesi (gazetadan).
0 Báygi tigiw — bayraq tigiw, sarpay beriw, sıy etiw, sawǵa qılıw, basın tigiw.
Dus boldım sizdey doslarǵa, Báygini tiktim baslarǵa (Berdaq).
YAr ushın basıńdı báygige Oramal, sharshıǵa barıńdı tógip, Hayıt bolsa qız ushın arbańdı jegip, Qulpırıp júreseń jigirma beste (Kúnxoja).