BÚYREK
Qaraqalpaqsha
at. Adamlardıń hám omırtqalı janıwarlardıń ashshılıqtı payda etetuǵın ishki aǵzası (múshe), bóteke.
Júzim miywesi menen búyrek, bawır, júrek, ishek, bas, kóz, qulaq awırǵanda, xalıq meditsinasında paydalanılǵan (gazetadan).
Tabıladı izlegenniń keregi, Kólimde bar qasqaldaǵı, úyregi, Quwları, ǵazınıń pútin búyregi, Dúnyanıń ańları kólimde bardı (Ájiniyaz).
0 Búyrekten sıyraq shıǵarıw — kútpegen jerden shataq shıǵarıw, kese belden bir nárse tabıw, qaptaldan pikir qosıw, bolmaǵan nárseni aytıw.
Qusbeginiń qápelimde búyrekten sıyraq shıǵarıp, bir jasawıldı qaytarıwın «bir oyqan isleyseń-aw» — dep, hár kim ishinen óz atınıń basınan awlaq bolǵay dep otır (K.Sultanov).
Búyrek bet — tompaq betli adam, bóteke bet adam.
Baǵana úyden úyge sekelek atıp juwırıp júrgen búyrek bet, qara balalar da poshshaday irgege tıǵılıp, eki kózi dalada dilgir (K.Sultanov).