BURSHAQ II
Qaraqalpaqsha
at. Domalaq hám basqa da túrdegi muz bóleklerinen ibarat atmosfera jawını.
Eshkiler suwǵa túsip shıqqan tıshqanday bolıp malpıldap jortıp awılǵa jaqınday bergende jawınnıń artı burshaqqa aylandı (Q.Ayımbetov).
Sońınan aspan elegi shashıratıp sebeley baslaǵan burshaq betime sebelep kem-kem údey basladı (K.Smamutov).
0 Burshaq ter - burshaq sıyaqlı domalaq ter.
Ǵarrı biy biraz ǵana tınıs alıp, shalǵayı menen mańdayınıń burshaq terine qosılıp aqqan kóziniń jasın súrtti (K.Sultanov).
Tas burshaq — domalaq tas sıyaqlı muz.
Jańbır keyin ala tas burshaqqa aylandı (Q.Ayımbetov).