BUYÍM
Qaraqalpaqsha
at. Zat, múlik, nárse dúnya, nárse qara, wáj.
Ústinde jaqsı kiyim joq, Ol biysharada buyım joq (Átesh).
Hámme ornalasıp otırdı da, olar kabinettegi otırǵan adamlardı, buyımlardı aqırın kózden ótkerdi (T.Nájimov).
0 Buyım emes — hesh nárse emes, gáp emes, jır emes.
Daw joq, onnan hesh ǵam shekpeń, sınǵan súbe qabırǵası ma? ... házir bizge ol buyım emes, tez pitip ketedi (Ó.Xojaniyazov).
Baqalı buyım — qunlı zat, múlik, nárse, wáj, dúnya, nárseqara.
Kún kórisi tómen awxal qıyında, Úyinde joq bir baqalı buyımda (S.Nurımbetov).