BUZÍQ
Qaraqalpaqsha
kel. 1. Jaman, xaram niyetli.
Góp bolar ma eki eller urıssa, Ashıqlıqtan túspesin buzıq araǵa («Qırq qız»).
Ol buzıq adam edi (gazetadan).
2. Tártipsiz, minezi jaman, dúzelmeytuǵın.
Alǵórez, jesirdi qaytarıp, buzıq tentegin jónge salıp, júwenleydi! (K.Sultanov).
3. Sınıq, buzılǵan, sınǵan.
... buzıq traktorlardıń hámmesin bir jerde remontlaw kerek, — dedi injener sovxoz direktorına (gazetadan).
Jaramsız, iske aspaytuǵın buzıq telefonlardı tez kúnde onlaw kerekligin eskertti (ǵazetadan).
0 Buzıq bası — buzıq nárselerdi baslawshı, basqarıwshı, sebep bolıwshı, sebepker.
Siz buzıq bası bolıpsız, zaman usınday basshısı joq elden azadı (K.Sultanov).
Lekin Esengeldi degen burınǵı biydiń sózine erip, buzıq bası boldı (K.Sultanov).