BUZÍW
Qaraqalpaqsha
f. 1. Kulatıw, sındırıw, qıyratıw, búldiriw, jıǵıw.
Buzdı góne qamıs qosın, Mákanlap kóldiń jagasın.
Toqıǵan barlıq shıptasın, Sol qosına tutqan eken (Berdaq).
Paraxatshılıq ushın gúres, Bógetlerdi óter buzıp (I.YUsupov).
Tapsırmanıń qısqasha mazmunı shegaranı buzıp ótejaq, ... (Á.SHamuratov).
2. Búldiriw, wayran etiw.
Tawdı, tastı suw buzar, adamzattı sóz buzar (qq.x.n.).
Záhárli kastıyan qara jılannıń, Ordaların buzıp wayran etermen (Omar).
3. Ózgeriw, aynıw, aynıtıw, ózgertiw.
Úydegi esaptı bazardaǵı nırq buzadı (qq.x.n.).
... kewildi azǵırıwǵa, buzıwǵa umtılıp qashanǵa shekem júrer ekenseń, ... (Á.SHamuratov).
Atannıń, «quda atın» aytısıp oqıǵan aq pátiyasın buzdı (K.Sultanov).
0 Túsin buzıw — ózgertiw, qubıltıw.
Jańaǵı hayal qanı qızıp, SHır-pır boldı túsin buzıp (SH.
Artıq).
Wádesin buzıw — ıqrarın ózgertiw, aynıtıw.
Ǵayrı din adamları aldında wádeni buzıw islamnıń diywalına kúye jaǵıw, balam (T.Kayıpbergenov).
Turmısın buzıw — xojalıǵın buzıw, bala-shaǵasınan ayırıw, xayalı menen ajırasıw.
Orazbaydıń gúldey turmısın buzdım (A.Bekimbetov).
Kewilin buzıw — ıdıraw, jılaw.
Usta kewilin buzıp bozlap jıladı, Ishine ot tiyip bawırı janadı (A.Dabılov).
Top buzıw — shoqtı taratıw, tarqatıw.
Ar-namısqa qızarsań ba? Jawdıń tobın buzarsań ba? (A.Dabılov).
Mereke buzıw — shataq shıǵarıw, búldiriw.
Sondıqtan olar bir-birin andıp, mereke buzıwına jol qoymadı (T.Qayıpbergenov).
Uyqısın buzıw — uyqıda jatırǵan adamnıń mazasın alıw, oyatıw.
Keshe quptannan beri jerdi qara dumanǵa orap, túnerip turǵan tún tań samalı uyqısın buzǵanday qara shımıldıǵın jıynap, batısqa qaray tutas kóship baratır (K.Sultanov).
El dástúrin buzıw - úrp-ádetke moyınsınbaw, baǵınbaw, shataq shıǵarıw, wayran etiw.
Jesirin alıp bassınǵanına Xalmurat hám, el dástúrin buzǵanına biz xám qapamız (K.Sultanov).
Qaǵıydaların buzıw — rejimdi saqlamaw, nadurıslıq etiw.
Al, kóshe háreketinin qaǵıydaların buzıw — bul barıp turǵan tártipsizlik (gazetadan).
Buzıp-jarıw — ayırıw,