BOSAQ
Qaraqalpaqsha
f. 1. Qutılıw, erkin bolıw, jazdırılıw.
Múddetim pitip, soldatlıqtan bosandım (Q.Aralbaev).
Niyetullanıń tyurmadan bosap úyine kelgenin esitip, hámme kelip atır (Q.Irmanov).
Men armiyadan bosap awılǵa qaytıp kelgennen keyin ol maǵan kolxozdıń qaramal fermasına basqarıwshı bol dep usınıs etti (A.Bekimbetov).
2. Jibisiw, balqıw, hál-dármanı qurıw.
Ókpesi awızına tıǵılıp, buwını bosap qaltıranıp, Omardıń úyiniń tusındaǵı gezenge qaray birew kiyatır (gazetadan).
3. Uaqtı bolıw, qolı tiyiw.
«Biydáwlettiń talabı jigildik» degendey, sabaq tayarlawdan qolım bosay qoysa, talabım qarmaq salıw edi (K.Smamutov).
4. Ornınan alınıw, shıǵarılıw, shıǵıp qalıw.
Demek, keshe kolxoz baslıǵınıń jumısınan bosaǵanı da durıs eken! — dep ol biraz oy juwırtıp ornınan turdı (A.Bekimbetov).
5. Jazdırılıw, sheshiliw.
...bawlanǵan pishenlerdiń bawlıqları bosap ketipti, ... (A.Begimov).