BINA
Qaraqalpaqsha
bina bolıw, bina etiw f. 1. Imarat salıw, jay salıw, úy qurıw, qurılıs qurıw.
Kósheniń bir sheti de qurılısshılar tárepinen jańa bina boldı (I.Kurbanbaev).
Onıń eki jaǵasında tártipsiz qurılǵan páskeltek úyler hám binalar, xár qıylı shıǵındılar kózge taslanar edi (gazetadan).
2. Payda bolıw, jaratılıw, dúnyaǵa keliw, júzege keliw.
Dúnya bina bolǵannan bergi isti biledi («Er Ziywar»), Adamzat bina bolǵalı birewdin ekinshiden úyreniwi yamasa birewdin ekinshige úyretiwi úzliksiz dawam etip kiyatır (T.Qayıpbergenov).
Aqırı, adamzat bina bolǵalı gedeydiń zamanı bolıptı degendi esitkenim joq (K.Sultanov).