БИНА
Қарақалпақша
бина болыў, бина етиў ф. 1. Имарат салыў, жай салыў, үй қурыў, қурылыс қурыў.
Көшениң бир шети де қурылысшылар тәрепинен жаңа бина болды (И.Курбанбаев).
Оның еки жағасында тәртипсиз қурылған пәскелтек үйлер ҳәм биналар, хәр қыйлы шығындылар көзге тасланар еди (газетадан).
2. Пайда болыў, жаратылыў, дүньяға келиў, жүзеге келиў.
Дүнья бина болғаннан берги исти биледи («Ер Зийўар»), Адамзат бина болғалы биреўдин екиншиден үйрениўи ямаса биреўдин екиншиге үйретиўи үзликсиз даўам етип киятыр (Т.Қайыпбергенов).
Ақыры, адамзат бина болғалы гедейдиң заманы болыпты дегенди еситкеним жоқ (К.Султанов).