BIYIK
Qaraqalpaqsha
kel. 1. Boyı uzın, zor.
Biyik shópker jaydıń qarańǵı tórinde, kózi kózlik penen tańıwlı qızıl túye juwazdıń eki ashasınıń ortasınan aylanıp tur (B.Bekniyazova).
Men úydiń qasındaǵı biyik terektiń usha basına minip, olardıń sırtınan baqlap otırdım (T.Nájimov).
2. Joqarı, artıqmash, zıyat, kóp.
Kóteril kókke, Órle biyikke, Sezimiń artıp (G.Esemuratov).
El súymese, meniń jayım tór me edi? Biyik baxıt qıran qustay órledi (T.Jumamuratov).
3. awıs. Kúsh, quwat, ájayıp, qúdiret.
Sonda men ayrıqsha qádirli hám qásiyetli, tań azanǵı jańa túsken shıqtay taza, ózine tartıw kúshi asa biyik káramattı sezdim (Ó.Xojaniyazov).
4. awıs. Árman, tilek.
...jalınlı tilek, biyik-biyik ármanlar jatır edi (Ó.Ayjanov).
Kewlimde tolı árman, kirim bar, Dárt ústine dártim biyik bar (Kúnxoja).
5. awıs. Kuwanısh, shadlıq, waqtıxoshlıq, baylıq, jaqsı turmıs.
SHadlıqtıń biyik tawıia shıqtı (T.Nájimov).
0 Biyik ókshe — biyik etip tigilgen ayaq kiyim, etik, botinka, tufli.
Qıyır-shıyır qasqırdıń izin de, biyik óksheli qashqınnıń izin de kórdi (SH.Seytov).
...tóne biyik óksheli, siri gúlmıyıqlı etigin sorap alǵan edi, ol sonı kiydi (T.Qayıpbergenov).