BELGILI
Qaraqalpaqsha
kel. Bilingen, málim, anıq, ayqın, ataqlı, ash ılǵan, tiyisli.
Berdaq qaraqalpaq ádebiyatınıń tariyxında belgili orın aladı (Q.Ayımbetov).
Belgili turaqlı mánzil xanamsań, Sıyınarǵa pirim, jiger sanamsań («Máspatsha»).
Qaraqalpaqlar tariyxın tereń izertlegen belgili tariyxshı P.P.Ivanov bul xanlardıń besewiniń qaraqalpaqlardan bolǵanlıǵın anıqlaǵan (K.Mámbetov).
0 Belgili bolıw — hámmege ayqın, anıq, málim bolıw.
Bul waqıya kópke belgili bolıp qaldı (Q.Ayımbetov).
Al, bul patshanıń eline belgili bolsın, belgisiz bolsın, basqa jaqtan adam keliwge bolmaytuǵın edi (qq.x.e.).
Belgili baslı — iri, kólemli, kózge kórinerlik, xaqıyqat.
Belgili baslı kásip-kárim bolmasa da, sońǵı waqıtları atızdaǵı adamlar arasına jiyi-jiyi barıp turdım (Ó.Xojaniyazov).
... awıldıń belgili baslı jigitleri otırıspa shólkemlestiredi (N.Dáuqaraev).
Belgili mákan — anıq, shın, haqıyqat, durıslı orın.
Qonıs basqan jerimiz, Muńaytpas degen bul ataw, Belgili mákan ettik biz (Jiyen jıraw).