BELGILEW
Qaraqalpaqsha
f. 1. SHártti belgi qoyıw, bir waqıttı belgilep qoyıw.
Paxta ushın belgilep, Bergen jeri kewilge, Unamaydı tazadan, jer tappasań egiwge (B.Qayıpnazarov).
1929-jıldıń sentyabrinde ekspeditsiyanıń belgilegen marshrutın ayaqdadıq (K.Ayımbetov).
2. Qadaǵalaw, baqlaw, ser salıw.
Kelgen jerin belgiledi de, kelip taǵı atına mindi (T.Qayıpbergenov).
Belgilepti Qazaqstan jerlerin, Tastırıwǵa aq biydaydıń kánlerin (T.Seytjanov).
3. Uyǵarıw, shókelew, beyimlew.
Dosjandı áskerbası qılıp belgileydi (qq.x.e.).
Óziniń súygen adamlarınan wázir belgileydi, ...(qq.x.e.).
Biy-aqsaqallardıń belgilegen jigitleri ata-anasın taslap ketkisi kelmedi (Q.Irmanov).
4. Belgi qılıw, tańba salıw.
Solay etip, bala belgilewishin jolbarıstıń arqa taspasın kesip alıp, ishten beline qıstıradı, ...(qq.x.e.).