BAHALAW
Qaraqalpaqsha
f. 1. Tiyisli qunın, nırqın, bahasın qoyıw.
...hár bir bekireni úsh teńgege bahalap alaman (Q.Irmanov).
Qırq manatqa bahalap aw qayıq berdim (Q.Irmanov).
2. Húrmetlew, qásterlew, qádirlew.
Biziń elimizde miynet etken adamdı qádirlew, bahalaw degen dástúrge aylanǵan (Ó.Ayjanov).
Ol kesellerdiń qımbatlı uyqısın qádirli bahalaydı (A.Bekimbetov).
Miynettiń qádirin bilgen adam ǵana dúnyanı bahalay aladı (J.Aymurzaev).