BAǴMAN
Qaraqalpaqsha
at. 1. Baǵda tórbiyalawshı, miywe aǵashlarınıń ósiwine, pisiwine qaraytuǵın adam.
Burın kásip degendey kásip boldı ma, házir kolxozda baǵmanman (N.Dáwqaraev).
Jazlar bolsa baǵman terer miyweni, Táwip tabar bul dártine dawanı («Qırq qız»).
... xojalıq buyımları dúkanınan baǵmanlarǵa arnalǵan dárilerdi satıp alıp, sonda kórsetilgen qádeler menen jumıs islew kerek (gazetadan).
2. awıs. Ómirde, turmısta «ustaz» mánisinde qollanıladı.
O ádiwli muǵallimim, ustazım, Balalıq ómirimniń boldıń baǵmanı (I.YUsupov).
Aldında otırǵan mına adam oǵan jańa ómir esiginiń baǵmanı sıyakdı bolıp sezildi, ózi bir baǵqa kirip, al otaǵası sol baǵdıń tárbiyashısı sıpatında sezilip tur (Ó.Ayjanov).
«Ustaz — ómir baǵmanı» degen xalqımızda danalıq sóz bar (gazetadan).