BATÍRLÍQ
Qaraqalpaqsha
at. 1. Jawdan hám dushmandan eldi qorǵawshılıq, elin, jurtın, Watanın súyiw, erlik.
Gagarin, Titovtay kórset batırlıq, Áne erlik bir ásirge tatırdıq (K.Sultanov).
Gújisin, qaynasın gúres dalası, Berk qoldansın batırlıqtıń sarası (J.Aymurzaev).
Qılısh berip qolına, Batırlıqqa úyretti («Qırq qız»).
2. Ǵayratlılıq, júreklilik.
Onıń zulımlıǵın betine batırlıq penen ayttı (Q.Irmanov).
Ne bolsa ol bolsın, — dep tula boyımdaǵı barlıq batırlıqtı, mártlikti jıynadım (J.Aymurzaev).
Hár nársege táwekel batırlıq kerek, bolǵanı sol (M.Abdraymov).