BASÍM I
Qaraqalpaqsha
kel. Bir nárseniń ekinshi bir nárseden artıq, zıyat, mol, ústem bolıwı.
Qıyal etip qarasam, Ayparsha basım keledi («Máspatsha»).
Basım kelip sur qalmaqtıń qarıwı, Janım ata julınındı úzipti («Qırq qız»).
Basım edi balalıǵımız (K.Nazbergenov).
0 Basım bolıw — kúshli keliw, zıyat keliw, artıq keliw.
Jigittiń kewli xak, adamgershiligi basım bolıp, hámme otırıp bolǵannan keyin ǵana ózine orın izleytuǵın edi (Ó.Ayjanov).
Onda milliylik basım bolǵanı ushın avtorlar bazıda emotsiyaǵa beriliwi múmkin (K.Mámbetov).