BASTÍRÍQ
Qaraqalpaqsha
f. 1. Bir nárseniń ústin, júzin bastırıp qoyıw, qawsırıw, búrkew, jabıw.
Sol kúni jer tóleni bastırıp alıp, awqatqa da toydıq (Ó.Ayjanov).
Qazannıń qaqpaǵı bastırıwlı qaynap, puwı qazannıń erneginen shıǵıp tur (S.Xojaniyazov).
2. Baspadan kitap shıǵarıw.
Bayatı «gúl» búlbúldi uyqastırıp, shatpaqlap ózgertpey-aq úsh bastırıp shıǵardı (I.YUsupov).
3. Materialdı mashinkadan shıǵarıw.
Kapitan mashinistka qızdıń qasına kelip mınaday mazmunlı prikazdı aytıp turıp bastırdı (A.Bekimbetov).
4. Xújnm jasaw.
... 1714-jılı Xiywanın xanı YAdgarxan Arabiya saparına ketken waǵında Arallı ózbekleriniń quwatlawı nátiyjesinde qaraqalpaq xanı Eshim Muxammedtiń Xiywaǵa bastırıp kirgeni xaqqında aytıladı (K.Mámbetov).
0 Atqa bastırıw — attıń aldına salıp aydaw, kuwıw, sabaw, urıw.
Ǵayratın qatań tastırdı, Ókshesin atqa bastırdı, Suwpı-iyshandı aydadı («Máspatsha»)... atqa bastırıp, jelke shashıńdı julǵısı keledi.
... (Ó.Xojaniyazov).
SHańǵa bastırıw — shańdı burqıratıp ótiw, shańda qaldırıw, ozıp ketiw.
Usı Arshan ózektiń jaǵasında toy-merekeler bolǵanda bay balaları ústimizden jorǵa súrip ótip, shańǵa bastırıp ótetuǵın edi (S.Xojaniyazov).
Mórin bastırıw — belgili bir dokumentti tastıyıqlaw ushın mórin qoydırıw, bastırıw.
Biyge jiberip, mórin bastırıp, pútkilley qatım etip aldı (A.Beǵimov).
Ayaǵın bastırıw — kishkene balalardı, janlı-janıwarlardı kóterip ayaǵın bastırıw, awırıw adamnıń, jıǵılǵan adamnıń qoltıǵınan kóterip ayaǵın bastırıw, súyew.
Jas buzaw tentireklep ketse onı tikeytti de ayaǵın bastırıp súyedi (Ó.Ayjanov).
Mala bastırıw — aydalǵan jerdiń iri keseklerin maydalap tegislew, eginniń ústin wayranlap taslaw, japırıw.
Sóytip dońızǵa mala bastırıp, Dáweke piseyin dep turǵan júwerisinen ayırıldı (Q.Ayımbetov).