BASTAN
Qaraqalpaqsha
r. Áwelden, dáslepten, aldınnan, ádepten, áwel bastan, aldı menen, aldın ala, aldı burın... Usını bastan-aq islew kerek edi, — dep Sáliyma ashıwlanıwı menen esikti tartıp urıp ketti (K.Sultanov).
0 Bastan-ayaq — bir nárseniń basınan ayaǵına shekemgi aralıq, basınan ayaǵına shekem.
Bolǵan waqıyanıń hámmesin qaldırmastan, bastan-ayaq Máteke predsedatelge bayan etti (K.Sultanov).
Bastan keshirig — bolǵan waqıyanı, hádiyseni óz turmısında kóriw, ótkeriw.
Sapar barlıq qıyınshılıqlardı bastan keshirip keldi (K.Sultanov).
Jetim de ózine bolarlıq qıyınshılıqlardı bastan ótkerdim, — dep bayan etip otır (J.Aymurzaev).