BALÍQSHÍLÍQ
Qaraqalpaqsha
at. 1. Balıq tutıwshılıq, awlawshılıq balıq haqqındaǵı kásip.
Qaraqalpaqlardıń xojalıq isleri balıqshılıq hám awshılıq boldı (N.Dáuqaraev).
...dáryanıń tómen jaqları, jańadan suw barǵan jer bolǵanlıqtan solmanlarda azmazlap balıqshılıq etip otırǵan (Q.Irmanov).
Sáliyma húreyi súymeytuǵın balıqshılıq kásibine Sapardan dámeli bolıp aralasqan edi (K.Sultanov).
2. Suw háwizlerinde balıqlardı kóbeytiw hám de sapasın jaqsılaw isleri menen shuǵıllanıwshı taraw; balıq jetistiriw menen shuǵıllanıw.
Balıqshılıq xojalıǵı.