BAYRAQ II
Qaraqalpaqsha
at. Jarısqa tigilgen sıylıq.
— Há bárekella, búgingi bayraq seniki (N.Dáwqaraev).
Basıp ozıp gúl beremen bayraqqa, Al men ushtım sen izimnen quwala! (I.YUsupov).
0 Báygi bayraq — jarısqa qoyılǵan zat, wáj.
Ol tek usı attı shawıp birinshi báygi bayraqtı alıwına ǵana qızıǵatuǵın edi (J.Aymurzaev).
Jeti jılǵa at jiberip Moynaǵım, Kutlı bolsın báygi alǵan bayraǵıń (K.Sultanov).
Baqsı bayraq — baqsılarǵa beriletuǵın sıylıq.
Baqsılarǵa bayraq berdi, Jaqsılardı jaman kórdi (Kúnxoja).
Múshe bayraq — ılaq oyınında ozıp kelgenlerge beriletuǵın mal.
Múshe bayraq bermedi, Eki aylanıp keldi, Munda da múshe bermedi, úsh aylanıp keledi («Alpamıs»).
Jarı bayraq — beriletuǵın sıylıqtıń yarımı, jartısı.
Abırayı siziki, jarı bayraq biziki, Poshha-posh dep zańǵar kál, At jetekley beredi («Qoblan»).
Bayraqqa tigiw — arnaw, jollaw, baǵıshlaw.
Men basımdı Nigarxannıń jolına bayraqqa tikkenmen, ... (K.Sultanov).