BAY I
Qaraqalpaqsha
at. 1. Mal-múlki kóp adam, feodal.
Burınları bir bay bolıptı, onıń qoyı oǵada kóp eken (Q.Ayımbetov).
Satarıńa mal bolmasa, Baydıń malın qarız alma (Átesh).
Jayılǵan baylardıń sansız qoyları, Kózine totıya júrgen jaylawım (Kúnxoja).
2. Esap-sanı joq, kóp, mol.
Tórt túligim qaplap órgen, Oypatım, bay hasıl jerge (I.YUsupov).
Qulpı dóngen kók penen, Ónimge bay jer sulıw (J.Aymurzaev).
Bul jerdiń baylıǵı kózden-kózge túsip, tilden-tilge alınıp, elden-elge en jaydı (Q.Irmanov).
Biziń jerdiń teńizi menen dáryaları balıqqa bay (Q.Dosanov).
3. Jetisken, qurǵınlı.
Úyińe zor bay bolıp bar, artıń da, Keregeńniń barlıǵın ayt, tartınba (T.Jumamuratov).
...beldewge bedew baylanıp, bay bolıp maqsetlerine jetipti (qq.x.e.).
Bayman degen kewlinniń toǵına, tuwrıdan sóyley ber sózdiń qaǵına (Omar).
4. Er, kúyew, jubay, joldas, juptı.
Sol waqta hayal patshanı óltiriw ushın islegen hiylesin bayına aytadı (Q.Ayımbetov).
Men bir bay tańdap otırman ba, birewdi jarlı deysiz, birewdi bay deysiz, qaysısına berseńiz de beriń, endi men de erjettim ǵoy, — deydi de... (Q.Ayımbetov).
Tártipli bolsań, bayıńa nege biyligiń jetpey júr (K.Smamutov).
Óziń jatıp bayıńa, tur-turlama kelinshek (Q.Ayımbetov).
— Ulmekenniń bayı she! — dedi qayal Jiyemurat usı awıldıń tap usaq-túsiǵine shekem biletuǵınday (T.Qayıpbergenov).