AǴA
Qaraqalpaqsha
at. 1. Áke, ata.
Ata balasın jibergisi kelmedi, bala aǵasın jibergisi kelmedi (Q.Irmanov).
2. Eki, úsh aǵayinli tuwısqanlardın úlkenleri.
Tuwısqan aǵasınıń mehriban júzin kórgende kishkene Orınbek qolın shappatlap ǵorbań-ǵorban etip qoydı (T.Qayıpbergenov).
3. El aǵası, otaǵası, jası úlken, kópti kórgen, kátkuda.
Ullı babamız Mayqı biy, Onıń ulı Jayılǵan biy, Jayılǵan ulı Naǵatay biy, jurtqa aǵa bolǵan eken (Berdaq).
Qaraqalpaqta qalalardıń aǵası, Kórmegenge árman eken Qońırat (I.YUsupov).
4. Qaraqalpaq túrmısında hayallardın óz erin naǵız atı menen aytılmaǵanda xár túrli mánislerde aytıladı.
Jaw tez arada jeńiler me eken aǵası, — dep sol waqıtta erine tigilip (K.Sultanov).
5. Jası úlken adamǵa atınıń izine qosıp xúrmet mánisinde aytıladı.
Máselen, Qurbanbay aǵa.