ASTAR
Qaraqalpaqsha
at. (arab tilinen — perde, jawlıq, parsı tilinen — ishinen tigilgen gezleme) 1. Kiyim yaki kórpe, kórpeshe sıyaqdı nárselerdiń ishki qabatı, ishki tárepine tigilgen gezleme (material).
Eki qolı menen shapanınıń ishki astarınan uslap, qawsırınıp aldı (J.Aymurzaev).
2. awıs. Sózdiń basqasha, ekinshi mánisi.
— Aqsaqal da bále eken zańǵar! Gápimniń astarına túsinip shaqaq atıp kúldi de, tabaqqa qol ura berdi... (T.Qayıpbergenov).